Sut allwn ni gefnogi Gŵyr sy’n fwy cysylltiedig ac yn fwy gwydn? 

Gwyddom fod Gŵyr yn lle o harddwch a chymeriad eithriadol; mae’n unigryw oherwydd ei gymysgedd o gynefinoedd amrywiol ac wedi’i lunio gan rywogaethau rhyfeddol a phrosesau ecolegol y lle arbennig hwn. 

Rydym wrthi’n datblygu cynnig ar gyfer Cronfa Cysylltiadau Tirwedd y Gronfa Treftadaeth y Loteri Genedlaethol. Bydd ein cynnig yn tynnu sylw at botensial eithriadol Tirwedd Genedlaethol Gŵyr fel esiampl o ragoriaeth ar gyfer adfer natur. Rydym am ddangos sut y gall natur ffynnu o dan reolaeth dda, a deall sut y gall mwy o bobl, yn enwedig pobl ifanc, brofi’r tirweddau o’u cwmpas a gofalu amdanynt. 

Hoffem wahodd sylwadau, syniadau ac adborth gan bobl a sefydliadau lleol - gan gynnwys grwpiau cymunedol, ffermwyr a rheolwyr tir, sefydliadau amgylcheddol a natur, pobl ifanc, busnesau a rhanddeiliaid lleol eraill - er mwyn creu cais sy’n gweithio i’r dirwedd ac i’r cymunedau y mae’n eu cynnal. 

Ac os nad ydych yn gweld eich hun yn cael eich adlewyrchu yn y rhestr honno, byddem yn arbennig o falch o glywed gennych.